دانانى میكانیزمێكى گونجاو بۆ هاوتاكردنى سیستەمى كارى دەروازە سنوریەكان

Comments Off on دانانى میكانیزمێكى گونجاو بۆ هاوتاكردنى سیستەمى كارى دەروازە سنوریەكان
39

لەسەر راسپاردەى جەنابى وەزیر، رۆژى پێنج شەمە رێكەوتى 16/1/2020 لێژنەى باڵاى سەرپەرشتیكردنى دەروازە سنوریەكان كۆبونەوەیەكى بەسەرپەرشتى بەڕێز (د.صباح یوسف) سەرۆكى دەستەى پێوانەسازى و كۆنتڕۆڵى جۆرى بەوەكالەت ئەنجامدا، هاوكات سەرۆكى لێژنەى باڵاو سەرجەم ئەندامانى لێژنەكە كە پێكهاتوون لە هەریەك لە بەڕێزان (جاسم قادر ، هەڤاڵ محمود، ڕامز اثنائیل، ڕێدار محمد، بەكر عزیز، عبدالغفار محمد، عبدالخالق عبدالستار) ئامادەی کۆبوونەوەکە بوون.

لە كۆبونەوەكەدا گفتوگۆ لەسەر دانانى میكانزمێكى گونجاو بۆ رێكخستن و هاوتاكردنى تاقیگەكان و كارى دەروازە سنورییەكان كرا كە رۆژانە پشكنین بۆ ئەوكاڵایانە دەكەن كە هاوردەى هەرێمى كوردستان دەكرێن بۆئەوەى تەواوى خاڵە سنوریەكان بەیەك سیستەم كاربكەن .

هەروەها بڕیاردرا بە رێكخستنى كارى كۆنتڕۆلى جۆرى لە دەروازە سنوریەكان وە بەسەردانى كردنى لێژنەكە بۆ دەروازە سنوریەكانى (ئیبراهیم خلیل، حاجى ئۆمەران، باشماخ، پەروێزخان، كێلێ) دواتر بە ڕاپۆرتێكى تێروتەسەل ئیش و كارى دەروازەكان لەگەڵ كێشە و گرفتەكان بەرزبكرێتەوە بۆ جەنابى وەزیر.

Similar articles